Af hverju Vestfirðir

Náttúruauðlindir

Gjafir lands og sjávar

Fengsæl fiskimið: Nálægð við fiskimið Norður-Atlantshafsins er hryggjarstykki öflugs sjávarútvegs, helstu lífæðar hagkerfis Vestfjarða.
Vöxtur í lagareldi: Á Vestfjörðum eru kjöraðstæður fyrir sjálfbæra þróun. Laxeldi dafnar sem atvinnugrein og miklir möguleikar felast í þörunga- og skelfiskeldi, sem og stoðþjónustu við þessar greinar.
Endurnýjanlegar orkuauðlindir: Með nýtingu jarðvarma og vatnsafls er stefnt á orkusjálfstæði og kolefnishlutleysi á Vestfjörðum og bjóðast því tækifæri í grænum orkuverkefnum.
Einstakt umhverfi fyrir ferðaþjónustu: Ósnortin náttúra og einstök fegurð fjarða, fossa og fjalla laða að ferðamenn sem leita náttúruupplifunar og ævintýra.
Sjálfbærni í fyrirrúmi: Á Vestfjörðum er lögð rík áhersla á sjálfbærni á öllum sviðum með samhæfingu samfélags, efnahags og umhverfis.

EFNAHAGUR

Stöðugleiki og vöxtur

Traustar stoðir: Fiskveiðar og hafsækin starfsemi hafa alla tíð verið grundvöllur byggðar á Vestfjörðum.
Vöxtur fiskeldis: Ör vöxtur í laxeldi og möguleikar á þörunga- og skelfiskeldi undirstrika góðar aðstæður fyrir sjálfbæra þróun fiskeldis.
Ferðaþjónusta: Aukinn áhugi á náttúru- og ævintýraferðum styður við vöxt ferðaþjónustu á Vestfjörðum og skapar ný viðskiptatækifæri.
Fjárfestingar í innviðum: Fjárfestingar hins opinbera og einkaaðila í samgöngu- og orkuinnviðum tryggja stöðugleika og auka vaxtarskilyrði til framtíðar.

Menning og Mannlíf

Lífsgæði

Útivist í stórbrotinni náttúru: Umhverfið á Vestfjörðum auðgar bæði líkama og sál. Náttúrutengd afþreying rétt við túnfótinn og hágæða útvist í formi gönguferða, skíða og hverskyns sjósports.
Samfélag og öryggi: Fámenni, lág glæpatíðni og náinn samfélagsandi einkennir Vestfirsk samfélög.
Mannvæn lífsskilyrði: Vestfirðir bjóða upp á viðráðanlegri framfærslukostnað í samanburði við aðra þéttbýlisstaði, auk stuttra boðleiða og fjarlægða í daglegu lífi.
Heilsa og vellíðan: Íbúar njóta góðs af hreinu, ómenguðu umhverfi sem styður við lýðheilsu og langlífi.
Menning og menntun: Vestfirðir eru þekktir fyrir öflugt menningarlíf með hátíðum, söfnum og skapandi íbúum. Aðgangur er að gæðamenntun sem eflir einstaklinga og auðgar samfélagið.

Fjárfestingasjóðir

Hvetjandi og Þuríður

Hvetjandi er eignarhaldsfélag stofnað árið 2004 og fjárfestir í fyrirtækjum á Vestfjörðum. Hvetjandi má eiga allt að 25% hlutafjár í einstöku félagi.

Hvetjandi hefur átt stóran hlut í uppbyggingu öflugra fyrirtækja á Vestfjörðum og tekur nú þátt í verkefnum á sviði sjávarútvegs, fiskvinnslu, ferðaþjónustu og fasteignareksturs.

Nánari upplýsingar um Hvetjanda má finna á vef félagsins www.hvetjandi.is

Þuríður er nýr fjárfestingasjóður sem sérhæfir sig í fjárfestingum í ferðaþjónustu á Vestfjörðum. Þuríður er enn í undirbúningsfasa en fjársterkir aðilar hafa lýst áhuga á þátttöku.

Nánari upplýsingar um Þuríði má fá hjá Gylfa Ólafssyni í netfanginu gylfi@gyl.fi

Samgöngur og aðgengi

Innviðir í örri þróun

Samgöngur: Umbætur á vegakerfi og fleiri jarðgöng bæta tengsl milli sveitarfélaga og við önnur svæði á Íslandi, stytta ferðatíma og auka öryggi.
Aðgengi á sjó og lofti: Daglegar flugferðir frá Ísafirði og Bíldudal til Reykjavíkur, ásamt 15 höfnum, auðvelda svæðisbundna og alþjóðlega tengingu fyrir fólk og vörur.
Orkusjálfstæði: Fjárfestingar í vatnsafls- og jarðvarmaverkefnum stuðla að orkusjálfstæði Vestfjarða. Áætlanir eru uppi um að auka framleiðslu á endurnýjanlegri orku.
Stafræn tenging: Aukning og þétting stafrænna innviða, þar með talið breiðband og farsímanet styður við fjarvinnu, menntun og aðgang að þjónustu.
Þróun opinberra innviða: Áframhaldandi og áætlaðar fjárfestingar í heilbrigðisþjónustu, menntun og opinberri þjónustu miða að því að bæta lífsgæði og styðja við efnahagsvöxt.

Lega Vestfjarða

Einstök staðsetning