Tækifæri í ferðaþjónustu

Mikil eftirspurn

Hótel

Vaxandi eftirspurn: Töfrar Vestfjarða laða að sér sífellt fleiri ferðamenn, áhugi ferðasala í kjölfar viðurkenningar Lonely Planet sýnir fram á eftirspurn eftir gistimöguleikum.
Hátt nýtingarhlutfall á sumrin: Erfitt getur reynst að fá gistingu á Vestfjörðum á háannartíma. Sameiginlegt nýtingarhlutfall Vesturlands og Vestfjarða er um 80%.
Eftirsóttur áfangastaður: Samkvæmt landamærakönnun Ferðamálastofu vilja 60,4% ferðamanna sem hyggjast snúa aftur til Íslands heimsækja Vestfirði í næstu heimsókn. Það segir okkur að vitund um svæðið hafi aukist mikið og einskær áhugi sé fyrir ferðalögum á Vestfirði.
Markhópar: Stærstu markhópar svæðisins eru í Bandaríkjunum, Þýskalandi, Frakklandi, og Ítalíu.

Vetur

Menning og matur: Fjölbreytt matargerð og hráefni úr héraði og stórbrotin menning.
Einstakir viðburðir: PIFF, Skjaldborg, Tónlistarhátíðin Aldrei fór ég suður og Fossavatnsgangan eru viðburðir sem nú þegar hafa mikið aðdráttarafl utan háannatíma.
Náttúruupplifun og afþreying: Vestfirðir bjóða upp á óviðjafnanlegar upplifanir í ósnortinni náttúru. Lonely Planet valdi Vestfirði sem besta svæði heims fyrir norðurljósaskoðun árið 2024. Frábærar aðstæður eru fyrir fjallaskíði, snjósleðaferðir, gönguferðir, gönguskíði og fjölbreytta afþreyingu í vetrarferðamennsku.
Vaxtarmöguleikar og nýting innviða: Möguleikarnir til vaxtar eru miklir, með tækifæri til að nýta innviði á borð við gistirými og samgöngur betur á veturnar.
Þróunarverkefni: Vestfjarðastofa ses. vinnur að þróun á ferðaþjónustu í landshlutanum með áherslu á lengingu ferðatímabilsins og vetrarferðamennsku.

Metfjöldi skemmtiferðaskipa: Árið 2023 komu yfir 200 skemmtiferðaskip til Vestfjarða, þar af 189 til Ísafjarðarbæjar og er Ísafjörður einn vinsælasti áfangastaður skemmtiferðaskipa á Íslandi.
Fjölbreyttir áfangastaðir: Skemmtiferðaskip koma víða við á Vestfjörðum , þ.m.t. Ísafjarðarbæ, Patreksfirði, Hólmavík, Flateyri, Suðureyri og víðar sem opnar ný tækifæri fyrir allt svæðið.
Stóraukinn fjöldi farþega: Með yfir 100.000 skipagestum skapast ótal tækifæri til að auka viðskipti og tekjur fyrir ferðaþjónustuaðila.
Möguleikar í vöruþróun: Aukinn fjöldi skemmtiferðaskipa býður upp á tækifæri til að þróa nýjar og einstakar upplifanir sem byggja á fjölbreyttri menningu, náttúru og afþreyingu Vestfjarða.
Fjárfestingar í þjónustu við ferðamenn: Aukin eftirspurn frá skipagestum býður upp á fjárfestingatækifæri í afþreyingu, verslun, kaffihúsum, veitingastöðum og öðrum ferðaþjónustutengdum tækifærum, sem stuðlar að bættri þjónustu og upplifun ferðamanna.

Matarkistan Vestfirðir

Matarkistan Vestfirðir: Nálægð við fiskimið býður upp á stöðugt framboð af fersku sjávarfangi, þar á meðal lúðu, ýsu, kola og þorski.
Fjölbreyttur sjávarafli: Til viðbótar við fisk eru firðirnir gjöfulir á þang, hörpuskel og krækling. Auk þess er ræktaður bæði lax og silungur á svæðinu.
Landsins gæði: Íslenskt lambakjöt, bláber, nýstárlegar mjólkurafurðir og jafnvel hunang er framleitt og þrífst við kjöraðstæður á Vestfjörðum.
Fjárfestingartækifæri: Fjölbreytt tækifæri leynast í þessari auðugu matarkistu. Í henni sameinast ferskt hráefni og ríkar matarhefðir sem skapar einstaka upplifun.

Heilsársáfangastaður - Hótel og sjávarböð
- Náttúruleg sjávarböð á Reykhólum
- Hótel: 2.000 m², með möguleika á stækkun.
- Laug: 1.300 m² þjónustubygging, 2.500 m²
Hótel - Nýr miðbær á Bíldudal
- Söguleg Endurbygging: 48 herbergja hótel með veisluaðstöðu fyrir 80-100 manns, eldhúsi og bar.
- Nýr Miðbær: Byggingarnar munu tengjast fyrirhugaðri trébryggju við höfnina og mynda nýjan miðbæ með öðrum gömlum húsum.
Hótel Hólmavík
- 4 Stjörnu lífsstílshótel:
- Endurspeglar anda Strandabyggðar, þjóðtrú og galdra.
- Þjónusta: 62 herbergi auk veitingastaðar og bars.
- Umhverfisvæn bygging: Áhersla á umhverfisvæna byggingu
Hvítusandar - sjóböð og veitingastaður
- Sjóböð í Önundarfjörður.
- Gestafjöldi: Áætlað er að sjóböðin rúmi 160 gesti í einu og veitingastaðurinn bjóði upp á sæti fyrir 50 manns.
Ósvör
- Þjónustuhús: Sjóminjasafnið Ósvör
- Húsið og verkefnið
  - Áætlað er að húsið sé 200 fermetrar og er hannað fyrir 80 manna hópa.